Во вистинска филмска сцена, двајца малолетници украле автобус во местото Бол на островот Брач во Хрватска и го возеле низ целиот остров до Супетар, удирајќи по патот во сообраќајни знаци и столбови, јавува 24sata.hr.
Сведоци изјавиле дека автобусот се движел без светла, по половина метар надвор од патот, создавајќи опасност за сите учесници во сообраќајот.
„Мислевме дека ќе умрат. Возеше без светла и удираше во столбови, едвај се држеше на патот,“ изјавил еден очевидец за 24sata, опишувајќи ја сцената како бизарна и страшна.
Полицијата подоцна ги фатила малолетниците на пристаништето во Супетар, каде што се обиделе да фатат траект за Сплит.
Според полицискиот извештај, 17-годишникот го украл автобусот вечерта на 4 ноември, возејќи го од Бол кон Супетар. Во текот на возењето предизвикал сообраќајна несреќа, оштетил паркиран камион и неколку знаци, а потоа го оставил автобусот на автопатот во Супетар.
Потоа, заедно со другиот малолетен сопатник, се обидел да побегне од местото, но полицијата ги спречила пред качување на траектот.
Инцидентот предизвикал значителна материјална штета, но, за среќа, нема повредени лица.