Со помош на повеќе од 10 возила и над 25 пожарникари ставен е под контрола пожарот кој денеска зафати фабрика за одгледување канабис за медицински цели во тиквешкото село Дебриште.
Градоначалникот на Општина Кавадарци, Митко Јанчев, информира дека во гасењето биле вклучени екипи на ТППЕ Кавадарци, ЈП Комуналец Кавадарци и на Еуроникел.
Јанчев истакна дека е спасен поголемиот дел од објектот и упати благодарност за брзата интервенција на службите.