Во нападот кој се случил утрово во холандскиот град Алмело убиени се две лица и еден е повреден. Осомничениот е ранет и уапсен, јавуваат локалните медиуми.

На местото на злосторството има шест возила на итна помош и повеќе полициски возила и екипи на специјалната полиција.

РТВ Оост објави снимка која покажува полугол маж со самострел како стои на тераса, додека во заднина се слушаат истрели од огнено оружје. Мажот наводно со самострелот пукал по минувачите.

Полицијата испукала повеќе куршуми во обид да го уапски осомничениот.

Полицијата првично на Твитер објавила дека ситуацијата е под контрола, но потоа објавила дека станува збор за ситуацијата која се означува со кратенката ГРИП 3, што значи дека е во тек ситуација која е опасна за граѓаните.