Лидерот на ВМРО-ДПМНЕ, Христијан Мицкоски на Фејсбук напиша дека илјадници граѓани во над 40 општини предложија идеи за развој, а буџетите се креираат отворено и транспарентно.
– На 3 и 4 декември, за првпат во Македонија се одржа организиран проект во над 40 општини за собирање и дискутирање на идеи за проекти од граѓаните до општините. Првпат до сега масовно се вклучуваат граѓаните со идеи за проекти, кои ќе бидат дел од решенијата на нивните проблеми и потреби. Илјадници наши сограѓани во саботата и неделата ги посетија општините и дадоа свои идеи за проекти, а кои ќе бидат опфатени со буџетите за 2023 година, напиша Мицкоски.
Граѓаните ќе имаат можност да предложат идеи за проекти и во наредните неколку дена преку страната budzeti.mk, или следниот викенд, односно 10 и 11 декември, во период од 11 до 14 часот во општината во која живеат.
Градоначалниците и нивните тимови ќе ги разгледаат идеите и истите ќе ги опфатат со предлог проекти. ВМРО-ДПМНЕ воведува новитети. Буџетите директно ќе ги правиме со граѓаните. Зошто тие знаат што им е најпотребно. Така ќе функционира и идната влада, објави на својот Фејсбук профил, лидерот на ВМРО ДПМНЕ, Христијан Мицкоски.