Светски познатиот диџеј и продуцент Дејвид Гета објави ново видео на социјалните мрежи од својот концерт во Скопје. Со најновиот „рил“, тој повторно се наврати на спектаклот што на 8 септември се одржа на Националната арена „Тодор Проески“.
Околу 50.000 посетители се собраа на концертот, со кој Скопје стана центар на светската електронска музика. Настанот се претвори во една од најмасовните музички вечери во поновата историја на земјата.
Арената беше исполнета до последното место, а публиката ги преполни трибините и теренот, претворајќи го стадионот во огромна концертна сцена. Концертот беше распродаден, а организаторите уште пред неговото одржување најавија дека очекуваат повеќе од 50.000 посетители.
Гета пред скопската публика го донесе спектакуларното шоу „The Monolith“, проследено со моќен звук, ласери, пиротехнички ефекти, визуализации и голема продукција. Десетици илјади посетители танцуваа и ги пееја неговите најголеми хитови.
Пред настапот на француската диџеј-ѕвезда, атмосферата ја загреаја македонското диџеј-трио „Семпре“ и диџеј Никифор. Гета се појави на сцената околу 23 часот.
Концертот беше организиран како завршница на програмата по повод 35-годишнината од независноста на Македонија. Во официјалната програма настапот на Дејвид Гета во Скопје на 8 септември беше означен како распродаден настан.
Националната арена „Тодор Проески“ таа вечер беше преплавена со светла, музика и илјадници посетители, а настапот на Гета остави силен печат врз прославата на јубилејот од независноста.
Станува збор за еден од најголемите музички настани одржани во Скопје годинава, а фотографиите и видеата од спектаклот продолжуваат да се споделуваат на социјалните мрежи.
Со новата објава, Гета уште еднаш ги сподели моментите од Скопје, каде што еден од најголемите настапи на неговата актуелна турнеја остави силен впечаток кај публиката во Македонија.
Скопје играше до доцна во ноќта, со десетици илјади луѓе на арената и Дејвид Гета зад пултот.
View this post on Instagram