Во њујоршкиот округ Бронкс утринава делумно се урна 20-катна станбена зграда, а првичните проценки на властите укажуваат на експлозија на гас како можен предизвикувач.
Инцидентот се случил нешто по 8 часот во комплексот „Мичел Хаус“ на Александар Авенју бр. 205. Според противпожарната служба на Њујорк (FDNY), колапсот зафатил окно за палење отпад, кое се протега низ целата височина на зградата.
На местото веднаш пристигнале бројни екипи на пожарникари. Снимките од воздух прикажуваат десетици службеници како ја проценуваат состојбата, додека оштетената зграда јасно открива дел каде што окното се одвоило од остатокот од конструкцијата.
Според првични информации, се претпоставува дека на уривањето му претходела експлозија на гас во самото окно за отпад. Противпожарната служба соопшти дека засега нема извештаи за повредени лица.
🚨🇺🇸BREAKING: GAS EXPLOSION TRIGGERS BUILDING COLLAPSE IN NYC
Authorities confirm a partial collapse at 205 Alexander Ave in Mott Haven in the Bronx after a reported gas explosion.
Firefighters are clearing debris and searching the building with K-9 units, drones, and… pic.twitter.com/HnMpkX4m4j
— Mario Nawfal (@MarioNawfal) October 1, 2025