Извонредна игра на македонскиот шампион

Фудбалерите на Вардар вечерва приредија вистинска сензација на Националната арена „Тодор Проески“ во Скопје, совладувајќи го швајцарскиот фаворит Лозана со резултат 2:1 во натпревар од второто квалификациско коло за Конференциската лига на УЕФА. Иако гостите важеа за тим со далеку поголем буџет и рејтинг, избраниците на тренерот Гоце Седлоски одиграа пожртвувано и борбено, обезбедувајќи заслужена предност пред реваншот.

Стрелци и клучни моменти на натпреварот

За Вардар стрелци беа Мато, кој погоди во втората минута од судиското продолжение на првото полувреме (45+2), и Омерагиќ во 78. минута. Единствениот погодок за гостите го постигна Диаките во 59. минута. Димитар Тодоровски се истакна со важна асистенција и одлична партија низ целиот натпревар.

Неверојатна атмосфера од Комити

Вечерта беше дополнително збогатена со импресивната поддршка од навивачката група Комити, кои со бројна публика и специјална кореографија дадоа дополнителна сила на својот тим. На кореографијата беше прикажано едно од најпрепознатливите знамиња на групата. Од трибините веќе се најавува и масовна поддршка за реваншот кој ќе се игра по седум дена во Лозана.

Погледнете го видеото од вчерашната кореографија на Комити.

Погледнете ја фотогалеријата од вчерашниот натпревар низ перспективата на Мартин Дангев којшто направи целосна фото и видео репортажа.

Освен на западната трибина масовна поддршка имаше и од јужната трибина. Интересно беше тоа што на натпреварот имаше и 100-ина гостински навивачи кои допатуваа од Швајцарија.