(ВИДЕО) Ковачки за ,,Монструм”: Власта треба да понесе кривична одговорност за манипулациите со јавноста

На прашање од новинарот „каква е безбедносната ситуација во Македонија“, полковникот Ковачкки даде сопствен став.

Тој најпрво напомена дека станува збор за пандемија, но истакна дека ваква ситуација со Ковид-19 има во целиот свет, но кај нас власта нема обезбедено вакцини, па затоа тоа не е оправдување.

Ковачки понатаму кажа дека власта нема статистика за безбедноста која ја објавила на официјалната страница и затоа нема информации. Ова отвора многу сомнежи зошто власта навремено не објавува информации на нивната официјална страница.

Но, она на што се осврна Ковачки е случајот „Монструм“.

– Во врска со протестите од Монструм работата може да излезе од контрола, јас се надевам дека нема да излезе од контрала. Власта пред да дојде, и Стево Пендаровски и Зоран Заев кажуваа дека тој случај е наместен и не сакаат да ја пренесат вистината бидејќи ќе предизвика меѓуетнички тензии, но од денешен аспект гледаме дека (откако не ја кажаа вистината) тие поттикнале меѓуетничка омраза и тоа е кривично дело, вели Ковачки за Радио Лидер.

Тој одново се осврна на, како што кажа, „славната“ изјава на Шекеринска за вакцините. Потсети и напомена дека е нападнат државниот витален интерес, а политичарите мора да станат одговорни за своите последици.