Тест возење на целосно обновениот „Шпанец“ започна
Директорот за влеча и одржување на возните средства и член на Управниот одбор на „Македонски железници-Транспорт“, Игор Коруновски, сподели видео од тест возењето на целосно обновениот и модернизиран легендарен воз „Шпанец“.
– Легендарниот воз „Шпанец“, некогаш заборавен и речиси отпишан, се враќа на голема врата. Денес го тестиравме целосно обновениот и модернизиран воз со нов дизајн, телевизори, озвучување, алармни системи и видео надзор. Подготовките за поудобно и побезбедно патување се во полн ек. Следуваат уште новости – останете со нас, објави на Фејсбук Игор Коруновски.