Мицкоски: Потребно е обединување за клучните прашања во Македонија
Премиерот Христијан Мицкоски во интервју за ТВ Алфа истакна дека политичките разлики треба да се надминат кога станува збор за најважните прашања во државата.
Средба Мицкоски – Филипче: Фокус на заедничкиот напредок и националните интереси
Средба без конкретен план, но со јасна цел
Во однос на неодамнешната средба со лидерот на СДСМ, Венко Филипче, Мицкоски објасни дека иницијативата дошла без претходно дефиниран план, но со намера да се отвори инклузивен процес.
„Се побара средба, јас веднаш одговорив. Немаше конкретен план, туку барање за вклучување во еден поширок инклузивен процес“, истакна премиерот.
Погледнете ја целата емисија:
Порака за обединување
Тој нагласи дека ваквата средба испраќа важна порака кон граѓаните. Пораката е дека политичарите треба да работат заедно и да покажат ширина, особено во чувствителни моменти за општеството.
„Важно е да се покаже дека политичарите не комуницираат со ниски страсти и политиканство, туку можат да се обединат околу стожерните прашања“, изјави Мицкоски.
На крајот, тој порача дека јавноста нека суди дали овој чекор бил исправен, но верува дека во овој момент на Македонија ѝ е неопходно единство.
Средбата ја отвори можноста за поширок политички дијалог, насочен кон стабилност и напредок на земјата.