Висока владина делегација ќе учествува на 56. состанок на Светскиот економски форум WEF
Премиерот Христијан Мицкоски, придружуван од висока владина делегација, ќе учествува на 56. годишниот состанок на Светскиот економски форум (WEF) во Давос, Швајцарија. Во следните денови, како што најави, се очекуваат бројни состаноци кои ќе придонесат за подобрување на економската состојба и за привлекување инвестиции во земјата.
„Следните денови ќе имаме бројни состаноци коишто очекуваме значително да влијаат на подобрување на економската состојба и привлекување на голем број на инвестиции“, рече Мицкоски.
Презентации и билатерални средби со странски компании
Премиерот ќе учествува на три панели на кои ќе ги презентира можностите за инвестирање во Македонија. Дополнително, тој истакна дека ќе оствари и бројни билатерални средби со компании од светот.
„Очекувам плодни резултати, успешни состаноци и успешна посета во Давос“, додаде Мицкоски, истакнувајќи ја важноста на меѓународната промоција на економските можности на земјата.