Државниот инспекторат за животна средина утврди дека нема цијанид во водата во Крива Паланка. Првиот човек од инспекторатот обвини за неточни информации кои ги бунат граѓаните.
Директорката на Државниот инспекторат за животна средина, Ивана Гиновска денеска одржa прес-конференција во врска со случувањата во рудникот Тораница, на која извести дека со огромна сериозност се пристапувало кон истиот, иако според неа, поединци излегуваа со неточни и полуточни информации и успеаја да направат збунетост кај населението.
Гиновска презентираше факти од ДИЖС.
„Сега ќе зборувам со факти. Откако од страна на ДИЖС е затворено едно подлавје за овој надзор со цел да ги запрам сите шпекулации кои се ширеа во јавноста: На 14 март од страна на компанијата БУЛМАК 2016, преку електорнска пошта добив известување за инцидент дека е пукната цевка од технолошка вода од таложникот за јамски води до погонот флотација. Согласно своите законски надлежности, веднаш издадов налог за вонреден инспекциски надзор и државните инспектори веднаш излегоа на терен“, рече Гиновска.
На компанијата БУЛМАК 2016, додаде таа, изречена им е казна од 180.000-200.000 евра за правниот субјект и 10.000 евра за одговорното лице. Тоа е најголема казна во законот за животна средина. Компанијата потпиша спогодба и предметот е предаден на Комисијата за спогодување, при Министерството за животна средина. Таа ги објави деталите. Вели дека се шпекулира со многу информации.
Целата прес-конференција може да ја погледнете во продолжение:
„Компанијата БУЛМАК, на ден 24.03.2025г. од страна на ДИЖС е задолжена со решение да преземе мерки за процена на евентуална штета врз животната средина. Таа ќе биде извршена од страна на надворешни стручни лица и веднаш по добивање на официјалниот извештај. Тој ќе покаже дали имало било какво влијание врз почвата, водата и живиот свет и дали има последици врз животната средина“, најави Гиновска.
Извор: Експрес