Грчките острови Парос и Миконос се погодени од силно невреме што предизвика поплави, соопштија локалните власти. Во прекин е целиот сообраќај, а училиштата и институциите се затворени. Единствено дозволено е движење на возила на брза помош.

 

Службата за цивилна заштита испрати предупредување до жителите преку мобилни телефони, повикувајќи ги да не излегуваат надвор, бидејќи невремето предизвикува одрони и дополнителни проблеми.

„Катастрофа од библиски размери“: Апокалиптични слики од Грција на милост и немилост на бурата „Даниел“

 

Во Парикија и Науса на Парос, поројните дождови носеа автомобили кон морето, а пожарникарите успеале да спасат 13 лица. Засега нема информации за исчезнати или повредени.

 

На Миконос поплавите се со помал интензитет, но властите користат багери за отворање ровови и овозможување одвод на надојдените води. Обилните дождови се очекува да продолжат и во текот на денот.

Извор: МКД.мк