59 лица загинаа во големиот пожар што утрово се случи во дискотеката „Пулс“ во Кочани. Повредени се 155 лица, изјави пред малку министерот за внатрешни работи Панче Тошковски.
Од загинатите идентификувани 35 лица, од кои 31 се од Кочани и 4 од Штип.
„Досега се извршени разговори со 10 хоспитализирани лица, со еден член од групата ДНК. Распишана е централна потерница по четири лица. Се испитува и документацијата за дозволите на дискотеката од Министерството за економија“, изјави Тошковски и додаде дека меѓу загинатите бил и еден полицаец кој вршел контрола за евентуално откривање на дрога.
Видеото може да го погледнете во продолжение:
Министерот Тошковски со премиерот Мицкоски од утрово е на терен во Кочани.