Навивачите на „Олд Трафорд“ со свирежи го испратија Оле Гунар Солскјер и неговите фудбалери по најлошото полувреме во нивните сеќавања, по кое „ѓаволите“ губат со 0:4 од најголемиот ривал Ливерпул во катастрофална игра, посебно на одбраната, со многу фрустрации и малку дисциплина.

Како што вели старата – кој губи, има право да се лути – а тоа најдобро го покажа Кристијано Роналдо со неспортскиот потег за кој зачудувачки не доби црвен картон. При 0:3 и загубена топка, тој го направи ова на Кертис Џонс, а и покрај консултацијата со ВАР, не доби црвен картон.