Американски авион F-16C Fighting Falcon од елитната ескадрила „Thunderbirds“ се урна во пустински предел јужно од аеродромот Трона. Тоа е во близина на Националниот парк „Death Valley“. Несреќата се случила за време на обука. Пилотот поминал со полесни повреди и успеал навреме да се катапултира. Ова се гледа и на снимките кои се појавија на социјалните мрежи.

Од американските воздухопловни сили веднаш потврдија дека се работи за нивен авион. Во објава на Икс, официјалниот профил на „Thunderbirds“ соопшти:

„На 3 декември 2025 година, околу 10:45 часот наутро, пилот на Thunderbird безбедно се катапултираше од авионот F-16C Fighting Falcon за време на обука во контролиран воздушен простор во Калифорнија. Пилотот е во стабилна состојба и добива постојана медицинска нега. Инцидентот е под истрага, а дополнителни информации ќе бидат објавени од Канцеларијата за односи со јавноста на 57-то крило“, рекоа тие.

Инцидентот се случил во оддалечен дел од пустината, што го отежнало пристапот до местото на падот, но истрагата е веќе во тек. Снимките што кружат онлајн го доловуваат моментот кога авионот удира во земјата, а пилотот се спасува преку катапултирање.