Несреќата се случила на прометна крстосница
Вчера околу 18:40 часот на крстосницата меѓу булеварите „Србија“, „Јане Сандански“ и „Видое Смилевски – Бато“ во скопската населба Аеродром се случила тешка сообраќајна несреќа во која учествувале четири патнички возила.
Повредени две лица
Според информациите од МВР, во судирот учествувале „БМВ“ управувано од О.К. (59) од Скопје, „Пежо“ управувано од М.К. (32) од Скопје, „Цитроен“ управуван од И.С. (25) од селото Текија и „Опел“ со кој управувал Д.Ј. (78) од Скопје.
Во несреќата со тешки телесни повреди се здобила сопатничката во возилото „Пежо“, Ј.Д. (31) од Скопје, а возачот М.К. добил полесни повреди.
View this post on Instagram
Увид извршен од полицијата
Двете повредени лица биле пренесени во Градската општа болница „Св. Наум Охридски“, каде им била укажана лекарска помош. Од Министерството за внатрешни работи информираа дека увид на местото на несреќата извршила увидна екипа од СВР Скопје.