Возбудлив натпревар: Реал Мадрид со пресврт против Валенсија
Фудбалерите на Валенсија и Реал Мадрид синоќа одиграа динамичен натпревар во Примера, каде што „кралевите“ успеаја да направат пресврт и да слават со резултат 1-2, иако во финишот играа со играч помалку.
Винисиус се извини за скандалозниот напад врз нашиот Димитриевски
Клучниот момент на мечот се случи во 80. минута, кога Винисиус Јуниор заработи директен црвен картон. Крилниот напаѓач на Реал го удри македонскиот голман Столе Димитриевски, по што беше исклучен од натпреварот.
По завршувањето на мечот, Бразилецот се извини за инцидентот преку порака на социјалните мрежи:
„Екипо, ви се извинувам и ви благодарам!“
Со оваа победа, Реал Мадрид го задржа лидерското место на табелата со 43 бода, два повеќе од второпласираниот Атлетико, кој има натпревар помалку. Барселона заостанува пет бода зад лидерот.