Полските државни железници (PKP) објавија драматично видео од несреќата во која воз удира автомобил на пругата.
Овој опасен инцидент се случил откако возачот поминал низ спуштените рампи и застанал директно на шините на делницата помеѓу Гранов и Станшев, објавува „polsatnews.pl“.
Несреќата на железничкиот премин во близина на Граново се случила на 18 август околу 12:30 часот. Сите служби за итни случаи – пожарникари, полиција и служби за итна медицинска помош – веднаш биле испратени на местото на настанот, а бил распореден и хеликоптер за спасување. Полицијата потврди дека автомобилот го управувал 81-годишен маж.
Според извештајот, возачот го возел возилото низ рампите кои веќе биле спуштени и застанал на шините. По несреќата, тој бил однесен во болница и е во стабилна состојба.
Една недела по несреќата, беше објавено видео од надзорна камера како дел од кампањата „Безбеден премин“.
Црна статистика за железниците
Поради несреќата, железничкиот сообраќај на таа делница беше прекинат околу два часа, а за патниците беше организиран заменски автобуски превоз.
ПКП нагласи дека сите уреди на преминот работеле правилно.
– Секоја година, на железничките и патните премини се случуваат околу 170 несреќи, во кои загинуваат неколку десетици луѓе. Како дел од кампањата „Безбеден премин“, ја подигнуваме свеста за опасностите што произлегуваат од непреземање посебни мерки на претпазливост – објави компанијата.