Од 8 до 13 август се очекуваат високи температури до 39°C, посочува Министерството за здравство
Министерството за здравство соопшти дека, според прогнозата на УХМР, од утре се очекуваат високи температури ширум државата.
Во периодот од 8 до 13 август 2025 година, дневните температури во одделни региони ќе достигнат и до 39 степени Целзиусови.
Поради тоа, Министерството потсети на општите препораки за заштита на населението од високи температури.
Препораки за заштита во период на топлотен бран се следни.
• Престојувајте во затворени и разладени простории, особено од 11:00 до 17:00 часот.
• Внесувајте доволно течности, избегнувајќи алкохол и засладени пијалоци.
• Носете светла, лесна облека и користете заштита за глава и очи.
• Избегнувајте физичка активност во најтоплите часови од денот.
• Посветете внимание на деца, постари лица, бремени жени и лица со хронични заболувања.
• Доколку почувствувате главоболка, гадење, вртоглавица или забрзан пулс – веднаш побарајте медицинска помош.
• Одложете активности на отворено во најтоплиот дел од денот.
• Обезбедете разладени услови на работа и во домот, со температура до 25°C.
Од Министерството нагласуваат дека ситуацијата ќе се следи внимателно на дневно ниво.
Институциите ќе постапуваат согласно проценките, во согласност со потребите на населението.
Министерството за здравство апелира до сите граѓани да ги почитуваат овие насоки. Навреме да преземат мерки за лична и семејна заштита.