По повод средбата на главниот преговарач во дијалогот со Србија, Бесник Бисљими и специјалниот пратеник на ЕУ за дијалог, Мирослав Лајчак, косовската влада соопшти дека Косово е посветено на целосна нормализација на односите со Србија и меѓусебно признавање.

Како што се посочува во соопштението на косовската влада, на средбата меѓу Бисљими и Лајчак се разговарало за сите аспекти поврзани со целосната имплементација на бриселскиот основен договор и Охридскиот анекс.

 

„Косово е посветено на целосна нормализација на односите со Србија и меѓусебно признавање“, се наведува во соопштението.

Лајчак синоќа по средбата со Бисљими изјави дека се договорени следните чекори.

Според медиумите, Лајчак, кој е во дводневна посета на Косово, денеска ќе се сретне со лидерите на опозициските партии, како и со претставниците на Српската листа.