Нови еколошки автобуси – Голем чекор за чист воздух и подобар превоз
Владата започна јавна набавка за 120 нови еколошки автобуси, со цел да го модернизира возниот парк во јавниот превоз. Со оваа мерка ќе се придонесе и за почиста животна средина.
Владата ќе набави 120 еколошки автобуси – 80 ургентно за ЈСП
Подобрување на јавниот превоз
Од новите автобуси, 80 ќе бидат распределени на Јавното сообраќајно претпријатие во Скопје. 40 ќе бидат наменети за сообраќајните претпријатија во другите општини.
„Ова е важен чекор кон почист воздух и подобар јавен превоз, особено за време на грејната сезона“, изјави премиерот Христијан Мицкоски.
Задоволство кај граѓаните
На анкетата спроведена од ТВ Алфа, граѓаните позитивно реагираат на оваа иницијатива, надевајќи се дека со новите автобуси ќе се намали времето на чекање и метежот во сообраќајот.
Последната голема набавка на автобуси беше пред 13 години, а со оваа инвестиција се очекува значително подобрување на квалитетот на јавниот превоз во земјата.