Партијата ВМРО-ДПМНЕ изрази остри критики кон владејачката СДСМ и министерот за здравство Венко Филипче, обвинувајќи ги за распродажба на националните интереси. Во соопштението, партијата истакнува дека истите тие кои го сменија името на Македонија и потпишаа бланко документ за бугарските барања сега тврдат дека Македонија не е на продажба.
Според ВМРО-ДПМНЕ, иронијата е во тоа што овие лица, додека го менуваа името, уверуваа дека тоа ќе донесе членство во Европската унија и подобар живот за граѓаните, но сега се против секој развој на државата. „Додека добивме само слика од авион, тие профитираа од промената на името и распродажбата на националните интереси“, велат од партијата.
Тие дополнуваат дека Филипче и поранешниот премиер Зоран Заев „дебело профитираа“ од овие промени, стекнувајќи златни визи и милионски инвестиции во недвижности во Дубаи, додека државата се соочува со економска криза и граѓаните осиромашуваат. ВМРО-ДПМНЕ истакнува дека тие истите луѓе ветуваа бесплатно европско здравство, но граѓаните добија руинирано здравство, обележано со корупција и наместени тендери.
„Додека владата се бори за инвестиции кои ќе донесат развој на економијата, СДС и Филипче се против“, се наведува во соопштението. Од партијата истакнуваат дека СДСМ не сакаат да се градат рудници и дата центри, туку се фокусираат само на легализација на марихуана, што е поврзано со интересите на блиските до струмичкиот клан.
На крајот, ВМРО-ДПМНЕ обвинува дека Филипче и СДС имаат двојни стандарди, наведувајќи дека им пречи Дејвид Гета, но не се против приватни забави со Заев во Дубаи. „Тоа граѓаните го гледаат и затоа засекогаш ќе останат вечна минорна опозиција, пред исчезнување“, завршува соопштението.