Црногорската полиција уапси лице за кое се сомнева дека е еден од најбараните бегалци во светот, јужнокорејскиот државјанин До Квон, објави на Твитер министерот за внатрешни работи – Филип Аџиќ.
Поранешниот „крал на криптовалутите“, кој стои зад загуби од над 40 милијарди долари, е приведен на аеродромот во Подгорица со фалсификувани документи, а по него трагаат Јужна Кореја, САД и Сингапур“, рече Аџиќ.
Квон (31) во својата земја беше обвинет за измама и кршење на законите за пазарот на капитал.
На крајот на минатата година властите изразија сомневање дека бегалецот попознат како „крал на криптовалутите“ се крие во Србија.
Како што објави „Фајненшл тајмс“ лани во декември, Јужна Кореја стапила во контакт со властите во Србија, и покрај фактот што нема договор за екстрадиција меѓу двете земји