Авион Ан-30 со пет лица и 6,3 тони товар исчезна денеска од радарот во сибирскиот регион Јакутија, соопшти регионалното Министерство за вонредни состојби.

„Дежурна оперативна смена на Центарот за управување со кризи на Генералната дирекција на Министерството за вонредни состојби на Република Саха (Јакутија) на 22 јуни доби информација за авион Ан-30, што не слетал во закажаното време на аеродромот во Оленек“, се наведува во соопштението.

Во авионот имало пет лица и 6,3 тони прехранбени производи, покажаа првичните информации, јави Тасс.

Претходно имаше информација дека во исчезнат авион што долетал од Јакутија, имало седум лица.

Хеликоптер Ми-8 и авион Ан-26 се вклучени во потрагата.

Подрачјето на Оленек се наоѓа во северозападна Јакутија, зад Арктичкиот круг со популација од над 4.000 луѓе.