Во Кичево, Куманово и Битола биле лишени од слобода тројца возачи
На 16.08.2025, лишени од слобода тројца возачи во различни градови на Македонија поради управување на возило под дејство на алкохол, соопштија од МВР.
Во Кичево, во 02:30 часот, полициски службеници од ОВР Кичево го лишија од слобода Б.Џ. (26) од село Зајас. При контрола во патниот сообраќај, полицијата запрела патничко возило „бмв“ кое тој го управувал и констатирала дека имал 2,08 промили алкохол во крвта.
Во Куманово, на 16.08.2025 околу 04:48 часот, полициски службеници од СВР Куманово го лишија од слобода Б.Н. (34), кој управувал патничко возило „смарт“ со кумановски регистарски ознаки. Контролата покажала дека возачот имал 3,43 промили алкохол во крвта.
Во Битола, на 15.08.2025 во 19:36 часот, полициски службеници од ПС за БПС Битола го лишија од слобода Н.Д. (41) од село Средно Егри. Тој управувал „мерцедес“ со битолски регистарски таблици и имал 1,68 промили алкохол во крвта.
По целосно документирање на случаите, против сите тројца ќе бидат поднесени пријави по член 297-а од Кривичниот законик за „безобѕирно управување со моторно возило“.