Во престрелка со полицијата во Гајре загина бегалец баран со потерница, пукал додека се обидувале да го уапсат

Осомничен во истрага за убиство вчера почина откако пукал во полицајците кои сакале да го приведат. Тие возвратиле и го раниле, по што починал на пат кон болница.

Пукањето се случило во Гајре, село во општина Тетово во бркотница во која полицијата се обидела да го приведе осомничениот кој се барал со потерница, но тој наместо да се предаде, пукал кон службените лица.

Овој настан е поврзан со убиството на 5-ти јули во Тетово, кога 40-годишен маж беше убиен во пукање на улицата „Штипска“.

Полицијата го барала сега починатиот бидејќи бил главен осомничен за ова убиство, кое е дел од конфликт меѓу две криминални групи.