Од страна на полициски службеници од Одделението за криминалистички работи Гази Баба и од Единицата за недозволена трговија вчера во 16.00 часот е лишен од слобода Б.К.(31) од Скопје.
При претрес на дом на подрачјето на Гази Баба, кој го користел Б.К., извршен со наредба од судија на претходна постапка од Кривичен суд Скопје, соопштија денеска од МВР, пронајдени се предмети кои потекнуваат од кривични дела.
Пронајдени се два лаптопи, фалсификувана патна словенечка исправа на име М.К., фалсификувана бугарска возачка дозвола на име В.В., два куршуми пиштолска муниција, две дигитални ваги, две ќесички бела прашкаста материја.
Б.К. е приведен во полициска станица и по документирање на случајот против него ќе биде поднесена соодветна пријава.