Најстарата пратеничка претседава
Почна конститутивната седница на новиот собраниски состав. Со седницата претседава најстарата пратеничка Мерита Колчи Коџаџику.
Четири точки на дневен ред
На дневен ред се четири точки: Избор на претседател и членови на Верификациската комисија на Собранието на Република Северна Македонија; Верификација на мандатите на пратениците во Собранието на Република Северна Македонија; Предлог за избор на претседател, заменик на претседателот, членови и нивни заменици на Комисијата за прашања на изборите и именувањата на Собранието на Република Северна Македонија; Избор на претседател на Собранието на Република Северна Македонија.
Може најмногу да трае три дена
Според новиот Деловник за работа на законодавниот дом, конститутивната седница може да трае најмногу три дена, а завршува со изборот на претседател на Собранието.
Гаши – собраниски спикер
Како што е најавено, за претседател на Собранието ќе биде предложен Африм Гаши од партијата Алтернатива, која е дел од коалицијата „Вреди“.
Два пратеници не присуствуваат – еве зошто
Новиот парламентарен состав ќе брои 120 пратеници, но на денешната седница се очекува да присуствуваат 118 пратеници чии мандати се веќе потврдени од Државната изборна комисија и кои добија уверенија од ДИК. За останатите два мандати за кои се прегласуваше минатата среда сè уште течат жалбените постапки.