ВРЕМЕТО ДЕНЕС: Променливо облачно со сончеви периоди и засилен јужен ветер

Локален дожд во западните делови кон крајот на денот

Во текот на денешниот ден времето во Македонија ќе биде променливо облачно, со повремени сончеви периоди. Кон крајот на денот и во текот на ноќта, во западните делови од земјата се очекува локален дожд. Ќе дува слаб до умерен јужен ветер, кој повремено ќе засилува.

Минималната температура ќе се движи од 6 до 13 степени, додека максималната ќе достигне од 16 до 22 степени.

Сончево и топло со умерен ветер во Скопје

Во Скопје се очекува променливо облачно време со сончеви периоди во текот на денот. Ќе дува слаб до умерен јужен ветер, со повремено засилување во попладневните часови.

Минималната температура ќе се спушти до 10 степени, а максималната ќе достигне до 20 степени.

Следуваат врнежи и силен јужен ветер во наредните денови

Во наредните денови ќе следи период на променливо облачно време со повремени локални врнежи од дожд. Според прогнозите, во петок и понеделник се очекуваат поројни врнежи, проследени со громежи, а во понеделник на места и пообилни количества дожд.

Ќе дува засилен до силен ветер од јужен правец, кој на моменти ќе надминува брзина од 70 километри на час.