Временски услови со врнежи и ветер
Времето денес ќе биде променливо облачно и посвежо, а ќе има и повремени врнежи од дожд. Ќе дува умерен до засилен ветер кој ќе пристигнува од југоисточен правец. На одделни места врнежите ќе бидат поројни и значително пообилни, над 20 литри на квадратен метар. Дел од врнежите ќе бидат проследени со грмежи и засилен ветер.
Очекувани температури во текот на денот
Утринските температури ќе се движат во интервал од 8 до 18 степени. Дневните температури ќе достигнат вредности меѓу 16 и 27 степени.
Временска прогноза за Скопје и наредните денови
Во Скопје ќе има променливо облачно време со повремени врнежи од дожд. Во поедини делови од котлината ќе преовладува нестабилно време со пороен дожд и услови за појава на грмежи. Ќе дува умерен до засилен југоисточен ветер, а максималната дневна температура ќе достигне 24 степени.
Под влијание на циклонска активност времето до понеделник ќе биде променливо облачно и посвежо со повремени врнежи. На одделни места врнежите ќе бидат поројни и пообилни, над 20 литри на квадратен метар, проследени со грмежи и засилен ветер. Дневната температура ќе биде пониска за 8 до 10 степени во споредба со вчерашната.