Времето денеска
Денеска времето ќе биде променливо облачно со слаб до умерен северен ветер. Попладне ќе има услови за локални врнежи од дожд, кои кон ноќта ќе се прошират низ целата земја и на некои места ќе бидат пообилни. Минималните температури ќе се движат од 4 до 14 степени, а максималните ќе достигнат од 15 до 20.
Во главниот град ќе преовладува променливо облачно време со слаб северен ветер. Кон крајот на денот и во текот на ноќта ќе има врнежи од дожд. Минималната температура ќе се спушти до 10 степени, а максималната ќе достигне 19 степени.
Прогноза за наредните денови
Под влијание на влажен бран, до петок се очекуваат врнежи од дожд низ целата земја. На повеќе места ќе наврнат над 30 литри на метар квадратен, а локално и над 50. Со продор на постудена воздушна маса од север и со засилен северен ветер, врнежите во четврток на високите планини ќе преминуваат во снег. Во петок, со натамошно опаѓање на температурите, услови за снег ќе има и на некои повисоки места, при што на планините ќе се формира снежна покривка.
Викенд прогноза
Во деновите од викендот се очекува стабилизирање на времето и постепен пораст на дневните температури.