Променливо време со сончеви периоди
Денеска ќе биде променливо облачно со сончеви периоди, а ветерот ќе дува слаб до умерен од северен правец. Минималната температура ќе се движи од 5 до 14 степени, додека максималната ќе достигне од 17 до 24 степени.
Во Скопје времето ќе биде променливо облачно со сончеви интервали. Ќе дува слаб северен ветер, а минималната температура ќе се спушти до 12 степени, додека максималната ќе достигне 22 степени.
Врнежи и пад на температурите од среда
Од среда попладне до петок, под влијание на нов влажен бран, ќе има врнежи од дожд, локално пообилни и над 30 литри на квадратен метар. Поради продор на постудена воздушна маса од север и засилен северен ветер, на повисоките планини во четврток и петок врнежите од дожд ќе преминуваат во повремен снег. Температурата значително ќе опадне.
Во деновите од викендот се очекува стабилизирање на времето и постепен пораст на дневната температура.