Александар Вучиќ, претседателот на Србија од Верона, ги отфрли обвинувањата дека „победил“ на претседателските избори во Црна Гора, нагласувајќи дека победата била само за кандидатот Јаков Милатовиќ.
Вучиќ рече дека ако опозиционерите во Србија очекуваат истото да се случи многу грешат, бидејќи тоа го прават од патолошка омраза.
„Вучиќ не победи во Црна Гора, не се мешавме, се однесувавме одговорно, сите уште пред објавата му честитаа на Милатовиќ, а јас по победата. Изразивме надеж дека ќе работиме повеќе на нашите односи, можеме повеќе и подобро“ рече српскиот претседател.
Го ставив на рационална основа, пред само неколку моменти разменивме пораки и уште еднаш му честитав, верувам дека во мај, кога ќе заврши инаугурацијата, едно од првите места што ќе ги посети ќе биде Белград, истакна тој.
Вучиќ рече „кога луѓето бараат причина, а единствено што можат да понудат е случајноста дека нешто ќе им се случи, на таквите не можам ништо да им одговорам. Никогаш нема да ме победат, тогаш ти помрачува мозокот, не алкохол, не дрога, туку нешто полошо од тоа, тоа е патолошка омраза. Да беа паметни, ќе бегаа од нападот врз мене, така би им кажал секој истражувач, затоа што отскокнува како бетон, од многу причини, неверојатно е што десет години не можат да го сфатат“.
„Што се однесува до сите изјави и навреди, јас немам проблем со тоа, се што кажав е дали можеме да ја кренеме економијата“ продолжи претседателот на Србија.