Заев за пожарите: Подготвено е за утре од сабајле и помош од соседите, доколку е потребно

Премиерот Зоран Заев во изјава за ТВ21 вели дека итно е упатен кон Кочани по пожарите кои избувнаа во текот на денот и зафатија неколку куќи.

– Јас и неколку министри одиме према Кочани, а неколку министри одат према Старо Нагоричани. Утре од сабајле на помош ќе дејствуваат и хеликоптерите. Подготвено е за утре од сабајле и помош од соседите, доколку е потребно“, вели Заев за ТВ21.

Тој додава дека се е под целосна координација на Централниот кризен штаб и се мобилизираат неопходните сили и противпожарни служби од општините кои се оптимално блиску за да стигнат.