По еден и пол месец предупредувања, полицијата подготвува премин кон изрекување на казни за сите што ќе го прекршат новиот Закон за безбедност во сообраќајот. Во акцијата спроведена од 26 септември до 7 ноември, СВР Скопје издаде 150 опомени на граѓани, со цел тие да се запознаат со новите правила пред да започне санкционирањето.

Според проценките на полицијата, динамиката на информирање и степенот на запознаеност со измените покажуваат дека следува фаза на казнување, веднаш по целосното информирање на јавноста за новите одредби.

Измените во законот ги прават пешачењето со телефон во рака и преминувањето пешачки со тротинет казниви прекршоци.

  • За преминување со мобилен телефон на уво или во рака казната изнесува 40 евра,

  • додека за возење тротинет, мотор или трактор со користење електронски уред предвидена е казна од 50 евра.

Со ова, надлежните најавуваат зголемена контрола и внимателност во сообраќајот, со цел да се намалат инцидентите предизвикани од невнимание.