Украинскиот претседател Володимир Зеленски се залага за тројна средба по разговорите меѓу Путин и Трамп
Украинскиот претседател Володимир Зеленски, кој не присуствува на американско-рускиот самит во Алјаска, изјави дека очекува извештај од разузнавачките служби за содржината на разговорите. Рече и дека очекува тројна средба.
„Денеска очекувам извештај од нашите разузнавачки служби за моменталните намери на руската страна и подготовките за средбата во Алјаска“, напиша Зеленски на Телеграм.
Тој нагласи дека главната цел е разговорите меѓу рускиот претседател и американскиот претседател да го отворат патот за состанок меѓу тројцата лидери. Средба во која би учествувал и самиот тој.
„Време е да се стави крај на војната, а Русија мора да ги преземе соодветните чекори. Сметаме на Америка“, нагласи Зеленски.
Путин и Трамп денеска треба да се сретнат во Анкорејџ за првпат по почетокот на инвазијата во февруари 2022 година. Се очекува фокусот да биде на можните патишта за постигнување примирје.