Украина подготвува историски безбедносен документ
Украинскиот претседател Володимир Зеленски наложи документот за безбедносни гаранции од САД да биде целосно финализиран и подготвен за разгледување на највисоко ниво. Тој ја нагласи важноста на документот, оценувајќи дека неговото значење може да биде историско, и информираше дека текстот веќе достигнал високо ниво на подготовка.
Зеленски исто така ја задолжи премиерката Јулија Свириденко, вицепремиерот Тарас Качка и министерот за економија Олексиј Соболев да ги проверуваат сите економски аспекти на идните договори помеѓу Украина и САД, како и на трилатералните формати Украина–Европа–Америка.
Претседателот ја потенцираше потребата од јасност од Русија за крај на војната и истакна дека притисокот врз агресорот треба да продолжи доколку нема реална подготвеност за прекин на конфликтот.
Тој дополнително повика на построги мерки против руската „флота во сенка“ и финансиските механизми кои овозможуваат заобиколување на санкциите, нагласувајќи дека светот мора да реагира со намалување на приходите од извозот доколку Русија одлучи за продолжување на војната.
Претходно, Зеленски откри детали од нацрт-документот на Киев од 20 точки, вклучувајќи мултилатерална рамка за безбедносни гаранции меѓу Украина, САД и Европа, билатерален документ за американските гаранции и план за закрепнување и економски развој.