Украинскиот претседател, Володимир Зеленски, упати сочувство преку социјалната платформа X (поранешен Twitter) за трагичниот пожар во Кочани.

Во својата објава, тој изрази длабока жал и поддршка кон семејствата на загинатите и повредените, нагласувајќи дека украинскиот народ е солидарен со македонските граѓани во овие тешки моменти.

Зеленски порача дека секој загубен живот е ненадоместлива штета и ја изрази подготвеноста на Украина да помогне ако има потреба од дополнителна поддршка или ресурси.