Украинскиот претседател Володимир Зеленски изјави дека САД премногу често бараат отстапки од Украина, а не од Русија, но изрази надеж дека продолжувањето на мировните преговори ќе биде сериозно и суштинско. Тој говореше на Минхенската безбедносна конференција.
По минатонеделниот состанок на руските и украинските воени претставници во Абу Даби, разговорите меѓу Украина, Русија и САД треба да продолжат во Женева следната недела. Според информациите од сите страни, околу 90 проценти од договорот се усогласени, но најтешките прашања остануваат – територијата и статусот на нуклеарната централа Запорожје.
„Искрено се надеваме дека трилатералните состаноци следната недела ќе бидат сериозни и суштински, дека ќе ни помогнат. Но, понекогаш чувствувам дека страните зборуваат за сосема различни работи“, изјави Зеленски.
Тој додаде дека чувствува мал притисок од американскиот претседател Доналд Трамп, кој претходно го повикал да не ја пропушти можноста наскоро да се постигне мир.
„Американците често се враќаат на прашањето за отстапки, а премногу често овие отстапки се дискутираат само во контекст на Украина, а не на Русија“, рече украинскиот претседател