Следните 24 часа ќе бидат клучни за Украина во борбата против руската инвазија, изјави претседателот на Украина Володимир Зеленски во телефонски разговор со британскиот премиер Борис Џонсон, јави украинската државна агенција Укринформ.
„Претседателот Зеленски изјави дека верува оти следните 24 часа се клучниот период за Украина“, се наведува во извештајот.
Британскиот премиер, од своја страна, кажал дека ќе стори се што може за да помогне да се обезбеди одбранбената помош од Обединетото кралство и сојузниците да стигне до Украина.
Како што јави Укринформ, претседателот Зеленски, премиерот Џонсон и полскиоп претседател Анджеј Дуда синоќа разговарале за актуелната безбедносна ситуација и се договориле за натамошни заеднички чекори за спротивставување на агресорот.