Премиерот: Зголемени плати во јавното здравство
Од 1 април започна исплатата на зголемени плати во јавното здравство, со линеарен пораст од 2.500 денари нето за сите вработени. Ова е второ зголемување по ноември, со што вкупната сума достигнува 4.815 денари, а кај медицинските сестри дури 6.200 денари.
Премиерот Христијан Мицкоски на социјалните мрежи изјави:
„Зголемени плати, реален раст – Македонија се буди!
Од 1 април започна исплатата на зголемените плати во јавното здравство: линеарно зголемување од 2.500 денари нето за сите! Со зголемувањето во ноември, вкупното зголемување достигнува 4.815 денари, а за медицинските сестри дури 6.200 денари.“
Со оваа корекција, просечната плата се искачува на околу 50.200 денари, информира Мицкоски, додавајќи:
„Октомвриското зголемување изнесува 10.49%, а кумулативно – дури 17.18%! Со инфлација од околу 3.5%, реалниот раст за 2024/25 ќе биде околу 9.4%. За споредба, во периодот 2021–2023 реалниот раст изнесуваше само 3.8%.“
Премиерот порачува дека економските промени се веќе видливи и имаат директен ефект врз граѓаните:
„Промените се случуваат. Македонија повторно станува ваша!“
Овие зголемени плати во здравството се дел од поширокиот владин план за поддршка на здравствениот сектор и подобрување на условите за труд и стандард.