Во пукањето во Австралија убиена ѕвездата на македонскиот фудбалски клуб Рокдејл Илинден
Во вооружениот напад што се случи на плажата Бонди Бич во Сиднеј, животот го загуби Дан Елкајам, член и една од ѕвездите на македонскиот фудбалски клуб Рокдејл Илинден. Нападот, кој австралиската полиција го третира како терористички чин, однесе најмалку 15 цивилни жртви, а десетици лица се повредени и се наоѓаат на лекување во болниците низ градот.
Во шок и тага во клубот
Членовите на Рокдејл Илинден вечерва ќе се соберат за да му оддадат последна почит на својот соиграч. Елкајам беше дел од тимот што настапува во највисоката локална конкуренција, а во клубот играше околу една година. Од клубот соопштија дека се „во шок и тага“ поради ненадоместливата загуба.
Пораки од раководството
Заменик-претседателот на клубот, Лу Тасевски, изјави дека „целиот тим е скршен“ и дека фудбалерите ќе се соберат „да се утешат меѓусебно“ по трагедијата. Генералниот менаџер и секретар на клубот, Луи Белевски, го опиша Елкајам како „прекрасен човек“ и „инспирација за играчите“, нагласувајќи ја неговата човечка и спортска вредност.
Погледнете повеќе за трагедијата и за тамошниот херој:
(ВИДЕО) „ПРЕД СЀ ИЗБРА ДА БИДЕ ЧОВЕК“: Ахмед е херојот од Сиднеј!