Во водите на Охридското Езеро, со централна локација во Автокамп Градиште, викендов успешно беше реализирана голема регионална еколошка акција за чистење на подводниот свет, во организација на Нуркачкиот центар Амфора.
Нуркачи од четири земји во заедничка мисија
Во акцијата учествуваа вкупно 80 нуркачи од Македонија, Хрватска, Србија и Босна и Херцеговина, кои заеднички работеа на расчистување на отпадот од дното на езерото.
Отстрането големо количество отпад
Во текот на акцијата беше извадено големо количество отпад од Охридското Езеро, со што уште еднаш беше испратена порака за значењето на еколошката свест и заштитата на природата.
Порака за регионална соработка и заштита на природата
Организаторите посочија дека ваквите активности имаат големо значење не само за зачувување на природните богатства, туку и за поттикнување на регионалната соработка во областа на екологијата и заштитата на животната средина.