Американскиот претседател Џо Бајден смета дека рускиот претседател Владимир Путин погрешно ја проценил неговата војна против Украина.
-Мислам дека [Путин] е рационален играч кој погрешно пресметал, изјави Бајден во интервјуто дадено за телевизијата „Си-Ен-Ен“.
Тој смета дека иако верува дека Путин постапува рационално, неговите цели во Украина „не биле рационални.”
-Ако го преслушате говорот што тој го одржа откако беше донесена таа одлука [да ја нападне Украина], тој зборуваше за целата идеја – тој да биде рускиот лидер кој ќе ги обедини сите што зборуваат руски. Сметам дека тоа е нерационално, изјави Бајден.
-Сметам дека неговите цели не беа рационални…Мислам дека сметаше оти ќе биде пречекан со раширени раце, дека Киев е срцето на Мајка Русија, дека деќе биде пречекан со добредојде, односно мислам дека целосно погреши во проценките, рече американскиот претседател.