(ВИДЕО) Претседателката на ДОМ незаконски разрешила партиски функционери

– Иницијативата имаше обезбедена поддршка со собрани потписи на повеќе од половина членови од Централниот одбор на ДОМ, вклучително и тројца потпретседатели на партијата и на повеќе од 2/3 на општинските организации на ДОМ што е многу повеќе од потребните услови согласно Статутот, информираат од Иницијативата.

Оттаму посочуваат дека оваа иницијатива за свикување на Вонредниот конгрес на ДОМ била поради фактот што на партијата и се потребни промени во начинот на организирање и функционирање, како и воведување групно претседавање преку ко-претседатели, со што би се вовеле позитивни демократски практики од Европските Зелени.

– Целта е беше инклузија на сите членови и сите општински организации за консолидирање и јакнење на партијата; демократизација со заштита на правото на различно мислење и спречување на мајоризација при одлучувањето; поголема самостојност на општинските организации; изградба на самостојна младинска организација. Но наместо да се прифати оваа демократска иницијатива за Вонреден конгрес и демократизација на партијата ја известуваме јавноста дека претседателката со малцински број на поединци членови на ЦО и само 5-6 општински организации на ДОМ преминаа кон разрешување на функционери на ДОМ нестатутарно и незаконски, појаснуваат од Иницијативата за свикување вонреден Конгрес на ДОМ.