Претставници на ВМРО-ДПМНЕ се сретнаа со поранешни амбасадори и генерални конзули преставувајќи ја визијата преку платформата 1198, заложувајќи се интеграција во ЕУ како клучна стратегиска цел

Иванка Василевска

Денеска заедно со потпретседателот на ВМРО-ДПМНЕ и градоначалник на општина Аеродром Тимчо Муцунски, меѓународниот секретар на ВМРО-ДПМНЕ и заменик министер за информатичко општество и администрација Стефан Андоновски и меѓународниот секретар на УМС на ВМРО-ДПМНЕ Тодор Конески се сретнавме со поранешните амбасадори и генерални конзули Н.Е. Василка Поповска Треневска, Н.Е. Томи Димитровски, Н.Е. Веле Трпевски, Н.Е. Оливер Шамбевски и Драган Ѓурчевски.
Во разговорот им ја претставивме нашата визија преточена во #платформа1198 и побаравме поддршка за следните активности на полето на дипломатијата и меѓународните односи.
Помеѓу другото се заложивме дека клучна стратегиска цел на идната Влада предводена од ВМРО-ДПМНЕ е Македонија да биде полноправна членка на Европската Унија. Исто така, заклучивме дека нашите надворешно-политички приоритети треба да се засноваат врз принципите на рамноправност, заемна доверба, солидарност, дијалог, меѓусебно почитување и реципроцитет.
Нашиот интерес е да градиме национално единство по клучните прашања 🇲🇰