За првпат во историјата на Македонија бројот на невработени се спушти под 100 илјади, објави Агенцијата за вработување. Според податоците на Агенцијата за вработување бројот на невработени во јули месец изнесувал 98.976 лица од кои дури 46.291 се пријавуваат редовно како лица кои бараат работа.
Ако се погледнат податоците ќе се забележи дека во фебруари бројката на невработени била 106 илјади додека во јули таа паѓа на 98 илјади или за само неколку месеци има пад од речиси 8 илјади лица.
И кај бројот на лицата кои се водат како баратели на работа, има осцилации, и постепено намалување, но не толку големо. Кај нив најголем број пријавени во Агенцијата имало во март и тоа 47.452, по што бројот постепено се намалувал.