Министерот за транспорт и врски, Александар Николоски, ги посочи тековните проблеми со јавниот превоз во Скопје како сериозен предизвик, за кој, според него, ќе биде потребно да се почека до следните локални избори за да се понудат трајни решенија.
Во координација со претседателот на ЗЕЛС, Орце Ѓорѓиевски, Николоски истакна дека тековните состојби се резултат на недоволна посветеност и организација од страна на актуелните градски власти.
„За жал, проблемите со јавниот превоз во Скопје се резултат на недоволна активност и ефективност на градските власти. Наместо да се спроведат решенија, сведоци сме на изговори и одложувања. Очекуваме дека по локалните избори ќе имаме подобри услови за брзо решавање на оваа состојба, немаме друго решение, рече Николоски
Николоски: Промените во системот како клучен фактор
Николоски исто така истакна дека е неопходна ревизија на законските решенија кои го регулираат функционирањето и одговорноста на градоначалниците.
„Мој личен став е дека сегашните закони кои оневозможуваат отповикување на градоначалниците се значителен проблем. Граѓаните треба да имаат механизми за корекција на локалните власти кога тие не ја исполнуваат својата задача,“ изјави Николоски.
Со ова, тој посочи на потребата од системски реформи кои би овозможиле поефикасно управување и одговорност во локалната самоуправа.
Очекувања од идните избори
Според Николоски, локалните избори ќе понудат шанса за Скопје повторно да добие управување кое ќе се фокусира на интересите на граѓаните. Идните градски власти, според него, ќе мора да приоритетизираат функционален и ефективен јавен превоз.
Граѓаните на Скопје, кои веќе долго време се соочуваат со нерегуларни автобуски линии и технички проблеми, очекуваат одговорност и реализација на ветувањата.
ВМРО-ДПМНЕ ја поддржа Данела Арсовска на локалните избори, но оваа одлука се покажа како сериозна грешка, со негативни последици и државата, граѓаните и за самата партија. Арсовска, која беше избрана за градоначалничка на Скопје со поддршка од ВМРО-ДПМНЕ, се соочи со бројни критики за неефикасност и лошо управување. Во текот на нејзиниот мандат, таа направи значителни проблеми во повеќе институции, вклучувајќи ги ЈСП Скопје, Паркови и зеленило, и Комунална хигиена. Овие проблеми резултираа со нарушување на јавните услуги и незадоволство кај граѓаните. Во текот на нејзниот мандат, таа има сменето преку 30 директори на јавни институции, последниот е на Улици и Патишта.