Трамп за Панама: Наплаќаат високи такси за каналот
Новоизбраниот американски претседател Доналд Трамп ја обвини Панама дека наплатува високи такси за користење на Панамскиот канал и рече дека доколку Панама не управува со каналот на прифатлив начин, тој ќе побара од американскиот сојузник да му го предаде.
„Не треба да биде управуван од Кина“
Во својата објава на Truth Social, Трамп исто така предупреди дека нема да дозволи каналот да падне во „погрешни раце“ и посочи дека не треба да биде управуван од Кина.
„Таксите што ги наплаќа Панама се смешни особено со оглед на извонредната великодушност што САД ја покажаа кон Панама“, напиша тој.